Google aur Microsoft ne Hyderabad ko apna AI ka headquarters bana liya hai. Telangana govt ke saath milkar dono companies ne itna bada investment kiya hai ki Hyderabad ab India ka AI capital banne ki race mein Bengaluru ko takkar de raha hai.
1. Microsoft Ka ₹15,000 Crore Ka Daav
Microsoft ne announce kiya hai ki wo Telangana mein apne hyperscale AI data centers mein additional ₹15,000 crore invest karega. Company ne kaha hai ki “Hyderabad region will be one of the largest data hubs of Microsoft globally”.
Ye data center Microsoft ka India mein sabse bada data center hoga aur June 2026 tak live ho jayega. Ye $3 billion investment plan ka hissa hai.
2. Google Ka US Ke Bahar Sabse Bada Campus
Hyderabad ke Financial District mein Google ka upcoming campus ban raha hai, jo US ke bahar Google ka sabse bada campus hoga. Telangana govt ne to us road ka naam hi Google Street rakhne ka proposal diya hai, saath mein Wipro Junction aur Microsoft Road bhi ban raha hai.
3. T-Hub Mein Google For Startups Hub Launch
Google aur Telangana govt ne milkar T-Hub mein Google for Startups hub launch kiya hai. Isme AI-first startups ko free coworking seats, venture investors se milne ka mauka, mentorship aur global visibility milegi.
Ye CoE cloud-based infrastructure aur centralized AI Knowledge Hub bhi banayega taaki AI development fast ho sake.
Aapke liye opportunity kya hai?
Microsoft ka naya campus Hyderabad mein AI training aur operations expand karega. Matlab Hyderabad, Vizag, Bangalore ke logon ke liye AI jobs, internships aur cloud certifications ab local ho jayenge.
Summary in English: Hyderabad is becoming Microsoft’s largest AI data hub in India with an additional Rs 15,000 crore investment going live by June 2026. Google is building its largest campus outside the US in Hyderabad’s Financial District and launched a Google for Startups hub at T-Hub for AI-first startups.
Also Read: Bengaluru Asia Ka No.2 AI Hub Bana: $152 Billion Ka Ecosystem Aur ₹21,000 Crore Ke Naye Investments
